Unha ollada rápida a SMPlayer

SMPlayer é un reprodutor multimedia tanto para Linux como para Windows que ven xa cos seus códecs que lle fan que poida reproducir case calquera formato de vídeo e audio.Non precisa de códecs externos. Tan só con instalar SMPlayer xa podes reproducir calquera cousa sen ter perder o tempo buscando e instalando paquetes de códecs.

Unha das características máis interesantes de SMPlayer: recorda as opcións que usaras para reproducir calquera ficheiro. Así, cando esteas a ver unha película e teñas que deixala por calquera cousa... non pasa nada, volves a abrila e estarache no mesmo minuto onde a deixaches e coas mesmas opcións de: de son, de pista, de subtítulos, ao mesmo volume...

SMPlayer é unha interface gráfica (GUI) para o destacable MPlayer, que é quen de reproducir case calquera formato de vídeo e audio dos que arestora hai. Ademais de ofrecer acceso as características máis prácticas de mplayer, SMPlayer ten ademais outras ben destacábeis: como a posibilidade de reproducir directamente vídeos de YouTube ou descargar subtítulos.

Reproduce todos os formatos

SMPlayer soporta os máis coñecidos formatos e códecs: avi, mp4, mkv, mpeg, mov, divx, h.264... podes reproducilos todos sen traba ningunha, grazas ao soporte nativo de códecs que trae. Non precisas poñerte a buscar ningún paquete de códecs de terceiros. Ver unha lista de todos os formatos que se soportan

Compatibilidade con YouTube.

SMPlayer pode reproducir vídeos de YouTube e dispón dun complemento opcional para buscar vídeos en YouTube.

Aparencias

SMPlayer trae a canda si varios temas de iconas e aparencia así que pódeslle cambiar o estilo en menos que canta un galo.

Descarga de subtítulos

SMPlayer é quen de buscar e descargar subtítulos desde opensubtitles.org.

Características avanzadas

SMPlayer inclúe características avanzadas como filtros de vídeo e son, cambio da velocidade de reprodución, axustes do son e atraso dos subtítulos, ecualización de vídeos... e unha manchea delas. 2 in 1 devices with touch screens are also supported.

Na túa propia lingua

SMPlayer está dispoñible en máis de 30 linguas, en galego, castelá, éuscara, catalá, alemán, francés, ruso, xaponés...

Para varias plataformas

SMPlayer is available for Windows, Linux and Mac OS. SMPlayer is compatible with Windows XP/Vista/7/8/10.

Libre e de código aberto!

SMPlayer é libre e de código aberto. SMPlayer téndelo baixo a licenza GPL.

MPlayer

SMPlayer usa o gran motor de reprodución mplayer, sen dúbida ningunha, un dos mellores reprodutores de todos. Máis información
Agora SMPlayer é tamén compatíbel con mpv. Máis información